|
SubscriptionsSites I Read
|
|
|
|
| 已經太耐無放假啦...2月開始, 一個TRIP都無去過.... 今日終於頂唔順, 要請番個SICK LEAVE, 抖下... HEA左成日, 聽日重新上路... 發覺自己真係化左...都唔知係化定係消極... 對於屋企既野, 真係唔想再理...反正做咩都唔會有人APPRECIATE, 多此一舉呀.... 實左太對自己唔住, 成日為人諗, 真係會好累... 依家咩都唔諗, 淨係想做自己想做同鍾意做既野.... 我要搵錢, 搵多D錢比自己用....... | | |
| 人就係好奇妙, 每個人既要求都唔同... 世界上沒有醜女人, 只有懶女人; 我不覺得我天生肥妹, 如果我原意放棄世上既美食... 世界上沒有蠢的人, 只有懶的人... 沒有不能, 只有不為... ------------------------------------ 好想好好休息下....想一下, 已經很奢侈 無論有幾多事情發生, 生活總要過... 甚麼也會過去, 視乎用多少時間和力氣遺忘... 不經不覺, 已經沒有了知覺... | | |
| 終於搞掂一單好CRITICAL既DEAL....比兩個老板夾到實, 個過程既有難度, 亦都好大壓力... 唔單止我大壓力, 我既SALES MGR都有壓力, 我唯有好似一隻惡犬咁, 咬實個客唔放, 一眼都唔可以睇漏... 用左2個月既時間, 終於打死左對手, 爭到呢舊肥豬肉番黎... 終於都有覺好訓啦.... _________________________________________________ 至於屋企野, 無咩改變到, 依然都係咁, 唯有寄情工作.... | | |
| 最近越黎越希望自己生活上有一D改變 如果安於現狀, 就不會想變吧。我總覺得怕改變的人, 永遠不會成功, 但改變之前, 真的要明白自己多一點。 安靜了好一陣子, 不好聽的叫悶了一段日子, 思前想後, 我覺得自己需要改變。 應該花多一點時間, 做自己喜歡和開心的事, 也許凡事都要自己爭取的。 根底上, 我並不是反事也想爭取, 畢竟我只是一個人, 並沒有想過甚麼都要追求最好。 但往往, 不是你想停就停, 想走就走, 人與人之相處, 總不是一個人能夠處理。 今年目標, 其中最重要的, 是學普通話和修身, 2著都算有個好開始吧! 有了好的開始, 方向鎖定, 然後努力向前, 沒有甚麼是做不到的, 即使面對改變不到的人和事, 我也知道自己努力過, 並不會後悔。 錯誤, 誰也不想承認, 但更重要的, 是從錯誤中學習。 好想學游水...這是這個夏天的目標, 我是一個沒有耐力的人, 有了目標, 我都希望在我還有耐力時, 盡快把事情做好。 不想再重複犯錯。 呢個星期既TASK LIST: 星期六: 同狗狗沖涼 (8:30 AM), 電髮 (10:30 AM); FACIAL (2:30 PM), 普通話 (4:30 PM), 執天台, 執屋, 搵游泳班同TENNIS班既information 星期日: PREPARE星期一既SALES MEETING, 出價錢, YOGA (3:00 - 5: 00), 好好休息一下。 | | |
| 最近我發覺自己變得悶了很多, 人太嚴肅, 好像再記不得怎樣笑和甚麼叫幽默。 真的很恐怖, 兩天自閉式的反省, 人真的清醒了... 我發覺, 工作壓力同屋企既事, 帶來既負能量, 真的令我很無助, 無助得, 用得要用笑容和幽默維持自己正常的運作。仲有, 我又開始開保護罩同信唔過人。 我傻左...真係傻左.... 我要記住錫自己既承諾, 對自己既承諾, 一定信得過.... 依家開始, 我要搵番我D開心番黎...仲有情趣, 興趣, 樂趣...唔可以摺埋呀.... 今日超開心, 買左隻WONG FAYE CD比自己...好耐都未試過買佢既CD啦, 因為以前總係有人幫我儲齊一個COLLECTION....都好既, 反正果D舊事, 都有D唔見左, 依家一隻D歌都好齊LU, 仲係自己買比自己TIM...好開心呀...3CD加1DVD...今晚唔駛訓呀...今日仲同左二索去左食MONSTER 壽司, 幾好食, 不過唔鍾意坐BAR台, 因為本小姐腳短。我仲買左一件新既背心恤衫, 還是穿白色比較好看。我仲買左把縮骨傘tim, 個叔叔等我揀埋先收工, 仲係咁示範比我睇, 又扮風吹, 又扮反傘, 勁搞笑, 雖然把jei好普通, 不過買得過癮.... 今日我做左白姐姐, 番工既時候, 收到我既知己同拍左拖差不多3年既男朋友分開既消息, 我以為佢地會好長, 雖然我個人黎講第一次見已經覺得果位男生有點大男人。 很了解那位朋友, 和我一樣, 並不是容易遷就人的女孩, 除非很喜歡一個人。最後結論, 也是凡事太盡, 緣份必早盡...若果不是太縱容, 對方便不會容易反錯, 錯到一個已經無法忍受, 繼而令人死心和無法挽回的地步。所以, 還是一早讓對方了解自己底線比較好。 能夠相依一輩子的, 必定是個懂得愛和尊重的男人。 值得愛的, 必定是個懂得自愛的女人。 ........ 王苑之唱歌都好聽, 不過還是王菲好一點。 為自己打氣!!! | | |
|
